Nën-drejtoresha e Shkollës “Harry Fultz”, Brikena Baxhaku, është thirrur në SPAK për të dhënë shpjegime lidhur me çështjen e Belind Kelliçit, i cili është nën hetim për falsifikimin e diplomës së gjimnazit. Baxhaku ka hyrë në ambientet e SPAK-ut në orën 11:00 dhe po qëndron përballë hetuesve të BKH për të ofruar informacion mbi rrethanat e hetimit.
Kelliçi, i cili ka qenë edhe ish-deputet i Partisë Demokratike, është kallëzuar për falsifikimin e dokumenteve, dhe më herët ka dhënë shpjegime në prokurori. Hetimet për këtë çështje janë ende në fazën fillestare, ndërsa SPAK pritet të marrë vendimin për hapat e mëtejshëm në lidhje me këtë çështje. Kallëzimi është bërë nga ish-deputeti Idajet Beqiri, dhe hetimet po vazhdojnë.
