Forcat speciale RENEA kanë ushtruar sërish kontroll në shtëpinë e Ervis Lamit, i cili dyshohet si organizator i vrasjes së postierit Lulzim Visha në Zall Mner. Aksioni nuk ka rezultuar i suksesshëm pasi Lami nuk është gjendur në banesë.
Më herët është arrestuar kushëriri i tij, Eduart Lami, për akuzën e armëmbajtjes pa leje, ndërsa dyshohet si autor i vrasjes.
Lulzim Visha u ekzekutua brenda makinës, pak metra larg shtëpisë së tij. Dyshohet se krimi ka si motiv përplasjen mes tij dhe Lamit për një sipërfaqe të madhe prone.
