Një zjarr ka përfshirë mbrëmjen e djeshme bodrumin e Spitalit Psikiatrik në Tiranë, duke shkaktuar vetëm dëme materiale. Ngjarja ka ndodhur rreth orës 21:50 të datës 5 shkurt 2025.
Sipas njoftimit zyrtar të Policisë, dyshohet se shkaku i zjarrit ka qenë një shkëndijë elektrike. Fatmirësisht, nga flakët nuk janë raportuar të lënduar.
“Më datë 05.02.2025, rreth orës 21:50, dyshohet se për shkak të një shkëndije elektrike ka rënë zjarr në bodrumin e Spitalit Psikiatrik. Nga zjarri janë shkaktuar vetëm dëme materiale. Materialet procedurale i kaluan Prokurorisë, për veprime të mëtejshme,” thuhet në njoftimin e Policisë.
Në vendngjarje ndërhynë shërbimet e zjarrfikëses, të cilat bënë të mundur fikjen e flakëve dhe parandalimin e përhapjes së tyre në pjesë të tjera të spitalit.
Ndërkohë, materialet procedurale janë referuar në Prokurori për hetime të mëtejshme, në mënyrë që të përcaktohen shkaqet e sakta të zjarrit.
