Erjon Dani, ish-shefi i krimeve në komisariatin nr.3 në Tiranë është vetëdorëzuar në policinë e Himarës. Ai dyshohet për veprat penale ushtrim i ndikimit të paligjshëm dhe shpërdorimit të detyrës gjatë kohës që ndodhej në radhët e policisë së shtetit.
Dani është informuar nga mediat se ndaj tij kishte një urdhër arresti të firmosur nga SPAK.
Kujtojmë se paraditen e sotme SPAK goditi një grup kriminal që operonte në trafikun e drogës nga Amerika Latine drejt vendeve të BE-së. Në pranga përfunduan 7 persona, përfshi dhe Erjon Danin që u vetëdorëzua ndërsa 6 të tjerë mbeten në kërkim.
Grupi kriminal u godit nga zbërthimi komunikimeve në SKYECC.
