SPAK organizoi mbrëmjen e djeshme një operacion të madh teksa lëshoi 10 urdhër arreste dhe janë vënë në pranga 3 efektivë policie, ndërsa 1 është në kërkim. Operacioni është shtrirë në disa qytete të vendit, si Tiranë, Kukës, Fier, Vlorë, Gjirokastër dhe Sarandë.
Në pranga janë shefat e krimeve të Himarës, Shkëlzen Ruska, me detyrë shef krimesh në Himarë, i cili qkuzohet për kultivim kanabisi, grup i strukturuar kriminal, shpërdorim detyre. Një tjetër i arrestuar është shefi i Krimeve në Komisariatin e Lushnjes, Ervis Alisinanaj.
Në pranga ka rënë edhe Erdit Hazizaj ish oficer policie. Hazizaj u largua nga policia në vitin 2022 dhe kandidoi për kryetar bashkie në Roskovec nën siglën e PD-së.
Në kërkim është shpallur edhe Elvis Dervishi, shefi i Komisariatit i Policisë Kufitare në Sarandë, i akuzuar për “trafikimi i narkotikëve”, “Grup i strukturuar kriminal” e “Shpërdorim detyre”.
Katër oficerët kanë qenë në detyrë në Sarandë dhe kanë dalë në bisedat e Sky ECC për trafik droge.
Të arrestuar janë edhe pesë persona nga Saranda.
