Krijimi i shtetit të ri bektashi në Tiranë, mesa duket është një nismë serioze e kryeministrit Edi Rama. Pas deklaratës në OKB, Rama ka reaguar sërish në rrjetin social X, i cili ka shpërndarë një foto të librit të autorit kanadez Robert Elsie, me titullin “Bektashiu Shqiptar, Historia dhe Kultura e Urdhërit Dervishian në Ballkan”.
Rama shkruan se libri është një thesar që Shqipëria duhet ta ofrojë në shërbim të paqes, tolerancës dhe humanizmit si një entitet sovran shpirtëror në kryeqytetin tonë Tiranë.
“Një libër i mrekullueshëm për këdo që është i interesuar të mësojë më shumë për historinë dhe kulturën unike të Urdhrit Bektashi, një thesar që Shqipëria duhet ta ofrojë në shërbim të paqes, tolerancës dhe humanizmit si një entitet sovran shpirtëror në kryeqytetin tonë Tiranë, ku Shtabi i Botës Bektashiane është ngritur prej kohësh dhe më pas është ringjallur nga hiri i diktaturës ateiste komuniste.”
Në lidhje me këtë projket ditën e sotme ka reaguar publikisht Komuniteti Shqiptar Mysliman i cili e ka quajtur si rrezik për prishjen e harmonisë fetare.
