Ish-kryeministri Sali Berisha dhe dhëndrri i tij Jamarbër Malltezi pritet të paraqiten në prokurorinë e Posacme të mërkurën për të firmosur përfundimin e hetimeve. Berisha është marrë i pandehur për korrupsion kryer në bashkëpunim ndërsa dhëndrri i tij akuzohet për korrupsion e pastrim parash. Bëhet fjalë për privatizimin e ish-kompleksit sportiv Partizani që sipas SPAK Berisha ka favorizuar dhëndrrin.
Nderkohë ditën e sotme SPAK i komunikoi përfundimin e hetimit biznesmenit Fatmir Bektashi, i akuzuar nga SPAK për "korrupsion aktiv të funksionarëve të lartë dhe të zgjedhurve vendorë" dhe për "pastrim të produkteve të veprës penale".
Të pandehur për të njëjtën cështje janë edhe Xhimi Begeja dhe Andia Pustina.
