Sot është mbajtur Samiti për të Ardhmen në sesionin e 79-të të Asamblesë së Përgjithshme të Kombeve të Bashkuara në Nju Jork, ku kryeministri, Edi Rama, ka mbajtur fjalën në emër të Shqipërisë.
Në fjalimin e tij, Rama ka konfirmuar lajmin se qeveria e ka seriozisht transformimin e qendrës së Urdhrit Botëror Bektashi në një shtet sovran brenda kryqytetit, si një qendër e re moderimi, tolerance e bashkëjetese të paqtë.
“Si të vërtetojmë që fuqia mund të zgjidhë vërtetë sfidat që po shfaqen? Si të dëshmojmë që fuqia jonë është më e madhe? E vetmja rrugë që kemi për të shpëtuar që njerëzimi të mos bjerë në kolaps para syve tanë. Në Evropë një luftë e re ka vënë në pikëpyetje ekzistencën e njerëzimit. Bota ka ndryshuar dramatikisht. Jemi buzë një rreziku të jashtëzakonshëm dhe askush nuk është i sigurtë.
Sfidat tona janë të ndërlidhura thellësisht. Nëse nuk përballemi me to, do të dështojmë së bashku. Veprimi shumëpalësh, nevojë urgjente. Shqipëria mbështet paktin për të ardhmen dhe angazhimet e saj. Fjalët duhet të bëhen vepra. Shqipëria mund të jetë një vend i vogël, por i ka dhënë botës shembuj të mirë. Gjatë Luftës së Dytë Botërore, Shqipëria kishte më shumë hebrenj. Pas rënies së Kabulit, strehuam mijëra afganë.
Shqipëria i ka dhënë botës shenjtoren më të re, Nënë Terezen, Të gjithë mund të bëjmë gjëra të vogla me dashuri të madhe. Ky është burimi i frymëzimit tonë për të mbështetur transformimin e qendrës së Urdhrit Botëror Bektashi në një shtet sovran brenda kryqytetit tonë, Tiranës, si një qendër e re moderimi, tolerance e bashkëjetese të paqtë” – u shpreh Rama.
