Policia e Fierit arreston dy drejtuesit e kompanisë “Bankers Petroleum”. Sipas burimeve policore, në pranga përfundoi CEO aktual me kombësi kineze, Hongping Xiao, si dhe ish-drejtuesi Leonidha Çobo. Prokuroria e Fierit ka firmosur 14 masa sigurie në total. Bëhet fjalë për një hetim që lidhet me skema mashtruese me qëllim mospagimin e taksave. Po ashtu, dyshimet janë edhe për pastrim parash e vepra të tjera penale.
Sipas burimeve, janë shpallur në kërkim edhe bosët e kompanisë, të cilët nuk ndodhen në Shqipëri. Vendimi për caktimin e masave të sigurisë është rreth 100 faqe dhe bëhet fjalë për shkelje të shumta të konstatuara nga prokuroria.
