Trajneri i Çekisë, Ivan Hashek, ka folur para ndeshjes ndaj Shqipërisë, duke komentuar mungesat në mbrojtje dhe përgatitjet për sfidën. Ai theksoi se, edhe pse do të mungojnë të tre qendërmbrojtësit kryesorë, ka besim se lojtarët me eksperiencë do të përmbushin detyrat e tyre.
Hashek shpjegoi se ekipi është i përgatitur për çdo skenar dhe do të synojë fitoren për të kaluar grupin si të parët, pa u kënaqur me barazimin. Ai vlerësoi Shqipërinë si një skuadër të fortë dhe me lojtarë të aftë, që mund të sulmojnë me shpejtësi dhe të shënojnë nga distanca. Trajneri kujtoi gabimet e vitit të kaluar përballë Shqipërisë dhe theksoi nevojën për të qenë të kujdesshëm në mbrojtje, sidomos në kundërsulmet e shpejta të shqiptarëve.
Në përfundim, Hashek u shpreh se objektivi i Çekisë është të fitojë dhe të sigurojë kalimin në fazën tjetër të kualifikimeve.
