Ish-ministri i Brendshëm Saimir Tahiri mbërriti sot në SPAK për të dhënë shpjegime për ngjarjet e dhunshme te 21 janarit, ku gjatë demostratës së opozitës së kohës u vranë në Bulevardin Dëshmorët e Kombit 4 qytetarë. Saimir Tahiri do të pyetet si një eksponentët e lartë socialist që u mor me organizimin e protestës së 21 janarit 2011. SPAK po kryen hetime për zbardhjen e vrasjeve mbi bazën e një vendimi të gjykatës së lartë. Ditë pas dite po pyet zyrtarë të lartë, deputete apo ministra. Ndërsa më herët janë marrë dëshmitë e zyrtarëve e ish-zyrtarëve të policisë e Gardës së Republikës.
Për mediat pasi doli nga SPAK Saimir Tahiri tha se dha sqarime për 21 janarin si protestues dhe si kallezues.
"Në lidhje me cështjen time në Gjykatën e Lartë pres pafajësi." tha ai
