Kryeministri Edi Rama ka marrë pjesë në forumin e GLOBSEC, që po mbahet në Pragë. Gjatë një bisede me temë “Rajoni nën rrethim: Brishtësia e Ballkanit Perëndimor”, Rama ka përgëzuar Putinin pasi sipas tij, duhej agresioni rus në Ukrainë që Bashkimi Evropian të kuptonte se sa e rëndësisshme ishte të mbante Balkanin Perëndimor pranë.
“Pikë së pari dua të përgëzoj Putin, se falë tij BE e kuptoi se sa e rëndësisshme ishte ta mbante sa më pranë Ballkanit Perëndimor dhe sa i rëndësishëm është Ballkani Perëndimor për BE. Sa i përket BE, mund të them që kishte shumë njerëz në union të cilët nuk besonin në atë cka në mënyrë të përsëritur e thonin si moto që “Ballkani është në BE”,” një ditë do të jeni BE”, duke e bërë si komunistët njëherë e një kohë, që na thonin që vendi është në parajsën tokësore. Sigurisht realitetin e goditi fort lufta në Ukrainë. Tronditi tërësisht status-kuon dhe BE nisi të ndërgjegjësohej më shumë” – u shpreh Rama.
