Kryeministri Edi Rama zhvilloi një takim me pensionistët në Durrës, ku diskutoi për rritjen e pensioneve dhe sfidat e skemës aktuale të sigurimeve shoqërore. Ai theksoi se ky proces është më kompleks se rritja e pagave, për shkak të varësisë së pensioneve nga kontributet e punonjësve aktivë, dhe jo nga taksat siç ndodh me pagat.
"Ka disa që premtojnë çudira dhe ngrejnë akuza të pabaza, por është e rëndësishme të flasim hapur dhe të bazojmë diskutimet në fakte,” tha Rama.
Sipas tij, ekonomia shqiptare po tregon rritje të qëndrueshme, duke krijuar kështu hapësirë për rishikimin e skemës së pensioneve.
"Po pse na është dashur 10 viteve që të bëjmë këtë bisedë?Sepse rritja e pensioneve nuk është si rritja e pagave. Pagat rriten në bazë të taksave, pensionet në bazë të kontributeve. Sot secili prej jush merr nga fondi i atyre që sot jan në punë dhe derdhin një sasi të caktuar në sigurime shoqërore. Ky fond është i pamjaftueshëm. Ndryshe nga pagat, pensionet janë investimi sot për 15, 20, 30, 40 vjet i kujtdo që është në punë." tha Rama
