Janë dëgjuar të shtëna me armë zjarri gjatë natës në Shkodër. Ngjarja ka ndodhur në afërsi të bustit të Prekë Calit dhe mësohet se personi i identifikuar si Viktor Marku ka qëlluar në ajër dhe më pas është larguar.
Policia e Shkodrës ka bërë shoqërimin e autorit të dyshuar si edhe të dy personave të tjerë, villain e tij dhe djalin e xhaxhait të Viktor Markut. Gjatë kontrollit në automjetin tip BMË, i cili është sekuestruar, u gjet një gëzhojë arme. Janë ende të paqarta arsyet e kësaj ngjarje ndërsa policia po vijon hetimet për zbardhjen e plotë të saj.
Por Viktor Marku nuk është një emër i panjohur për policinë. Marku është autori i dyshuar për vrasjen e Hekuran Billës në Tiranë. Ai u arrestua nga policia, por që më pas është liruar për mungesë provash nga Gjykata e Tiranës.
Më 17 Mars 2022, Gjykata e Tiranës ka pushuar çështjen për dy të dyshuarit e vrasjes së Hekuran Billës. Për dy personat, Viktor Markun dhe Sebastian Markun, konkretisht dajë dhe nip u shua masa e sigurisë.
