Në minutat e fundit të merkatos Armando Broja u prezantua si afrimi më i ri i Everton, skuadër e cila gjatë 3 sezoneve të fundit ka qenë shumë pranë rënies nga kategoria. Një lëvizje e cila pritet t’i shërbejë të dyja palëve, sidomos futbollistit që nuk po gjen hapësirë tek blutë e Londrës, por madje as te Fulham.
Lojtari do të qëndrojë në formë huazimi, më pas Everton mund ta blejë atë për vlerën e 30 milionë eurove.
Gjithashtu edhe futbollistët e tjerë të Kombëtares kuq e zi, Bajrami e Seferi hodhën një hap të rëndësishëm në karrierën e tyre. Ish-mesfushori i Sassuolo u transferua në kampionatin skocez te Rangers, ndërsa Seferi te Bodrum në Turqi.
