Safet Gjici ka vendosur të heq dorë edhe nga klubi i Kukësit, duke shitur 100 % të aksioneve. Skuadra verilindore edhe pse tashmë do të jenë me pronar të rinj, nuk jepen të dhënë konkrete se kush janë blerësit e klubit verilindor. Deri tani bëhet e ditur se pronarët janë një shtetas i huaj, nga Letonia dhe një shqiptar, identiteti i të cilëve nuk është zbuluar ende.
Drejtuesit e rinj duket se nuk kërkojnë të humbin kohë, për të vendosur piketat e parë në ndërtimin e skuadrës së këtij sezoni. Mësohet se drejtor teknik i klubit verilindor pritet të emërohet ish-mbrojtësi i kombëtares shqiptare, Renato Arapi.
Ngelet të mësohet me mjaft kureshtje në ditët në vijim se cilët do të jenë drejtuesit e tjerë të stafit teknik te skuadra verilindore.
Vlen të theksohet fakti se këtë sezon Kukësi do të garojë në Kategorinë e Parë.
Ky rezultat negative erdhi në sezonin e shkuar menjëherë pasi pronari i tij, njëherësh kryebashkiaku i Kukësit, Safet Gjici, u kap në një skandal seksual në zyrën e tij në bashkinë Kukës. Kjo i kushtoi Gjicit dënimin me 2 vite burg.
