Në prag të Lojërave Olimpike 2024, kryetarja e bashkisë së Parisit, Anne Hidalgo, notoi në Senë për të përcjell si mesazh që ujërat e këtij lumi janë të pastra. Por e vërteta është krejt ndryshe pasi ekipi i përzier i stafetës së triatlonit të Belgjikës është tërhequr nga gara e së hënës. Ky vendim ka ardhur pasi një nga notaret është infektuar në lumin Sene.
Më saktësisht, delegacioni belg dyshon për Esheria Koli. Bakteret e marra rrezikojnë shëndetin e sportistëve, diçka që është e papranueshme në Lojërat Olimpike, Paris 2024. Claire Michel, garoi të mërkurën në triatlon për femra, duke përfunduar në vendin e 38-të. Ekipi i njohur belg sqaroi se Michel u dërgua në një klinikë në fshatin Olimpik në Paris të dielën për trajtim mjekësor, për t’u ribashkuar më pas me grupin disa orë më vonë. Ekipi nuk tha nëse Michel u sëmur për shkak të ndotjes në Sene, vendi ku u mbajt gara e notit 1500 metra të triatlonit. Por në ditën e garës, programi i meshkujve u shty pasi testimi i cilësisë së ujit tregoi se Seina ishte e pasigurt për not. Shqetësimet për cilësinë e ujit të Senës kanë turbulluar Lojërat Olimpike. Deri në fillimin e evenimentit, më shumë se 1.5 miliardë dollarë u shpenzuan për të siguruar gara normale në një lumë të pastër. Në triatlon ka triumfuar Gjermania, duke treguar edhe një herë forcën.
