Dy burra, Daniel Graham dhe Adam Carruthers, janë dënuar me nga katër vjet e tre muaj burg për prerjen e paligjshme të pemës historike Sycamore Gap, pranë murit të Hadrianit në Angli.
Pema 150-vjeçare, një simbol i dashur për publikun, u rrëzua në shtator 2023. Carruthers e preu me sharrë elektrike, ndërsa Graham e filmoi aktin.
Gjykata vlerësoi se motivi kryesor i krimit ishte “trimëri e rreme” dhe dëshira për famë negative. Mbrojtja pretendoi se veprimi ndodhi nga një “marrí e dehur”, por prokuroria theksoi planifikimin e qëllimshëm.
Përveç dëmtimit të pemës, burrat u dënuan edhe për dëmtimin e murit të Hadrianit, dënim që do të kryhet paralelisht. National Trust e cilësoi aktin si “të pamend dhe të pakonceptueshëm”, duke theksuar vlerën simbolike të pemës për komunitetin.
