Një i ri 21-vjeçar është arrestuar nga policia e Tiranës, pasi shkaktoi një aksident ku mbeti i plagosur një efektiv policie. Ngjarja ka ndodhur rreth orës 01:00 të datës 26 dhjetor 2024, në rrugën “Xhanfize Keko”.
Sipas njoftimit zyrtar, shtetasi R. B., 21 vjeç, u arrestua në flagrancë nga Sektori i Qarkullimit Rrugor pasi aksidentoi punonjësin e policisë së patrullës në detyrë, shtetasin S. Sh., 30 vjeç.
Efektivi i plagosur ndodhet në spital, ku po merr kujdesin e nevojshëm mjekësor.
Policia po vijon hetimet për të zbardhur rrethanat e aksidentit.
