Të shtëna me armë zjarri janë regjistruar në zonën e ish-Kënetës në Durrës. Sipas burimeve policore, ngjarja ndodhi pas një konflikti banal mes dy personave brenda një lokali, ku njëri prej tyre qëlloi disa herë me armë.
Për momentin, nuk raportohet për të lënduar. Policia ka mbërritur në vendngjarje dhe ka nisur hetimet fillestare.
Të gjithë personat që ndodheshin në lokal dhe dëshmitarët e mundshëm janë marrë në pyetje, ndërsa po punohet për identifikimin dhe kapjen e autorit të sulmit.
