Dalin në dritë detaje të reja lidhur me shpërthimin në katin e 9 të një pallati në Tiranë, ku në shënjestër ishte Bernard Sinomati, vëllai i Sokol Sinomatit i njohur si Buzëderri, ish-anëtar i bandës famëkeqe të Gaxhait.
Sipas hetuesve sasia e tritolit është hedhur me dron në ballkonin e pallatit, pasi janë gjetur mbetje të mjetit fluturues që ka shpërthyer. Hetuesit besojnë se më shumë sesa një plan për ta ekzekutuar Sinomatin kanë dashur ta paralajmërojnë sepse sasia e lëndës plasëse ka qenë e vogël. Bernard Sinomati ende nuk është gjetur për tu marrë në pyetje nga hetuesit. Ai është në përplasje me Inez Hajrullan dhe ngjarja vjen pak ditë pas atentatit në Vlorë, ku u plagos rëndë Kevin Hajrulla dhe një kalimtar i rastit.
