Pas ashpërsimit të dënimit nga Gjykata e Apelit të Posacëm për Fran Frrokajn, ish-kryebashkiak i Lezhës, policia zbarkoi në shtëpinë e tij për ti vënë prangat dhe dërguar në qeli, pasi duhet të shlyejë hesapet me drejtësinë. Policia nuk e gjeti ish--zyrtarin e lartë dhe nëse ai nuk paraqitet në Polici, do te shpallet në kërkim.
Të hënën Apeli i Posacëm e dënoi përfundimisht me 2 vite e tetë muaj burgim Fran Frrokaj për akuzën e shpërdorimit të detyrës. Ai duhet të rikthehet në qeli pasi më herët ishte dënuar nga GJKKO vetëm me 1 vit e 4 muaj burgim, por që u liru pasi përfitoi nga amnistia penale që bëri qeveria në prill të këtij viti.
Por ky verdikt u prish nga Apeli i Posacëm cka do të thotë se Frrokaj duhet të vuajë pjesën e mbetur të dënimit. Fajtorë i cilësuan dhe dy persona të tjerë.
Frrokaj dhe dy të pandehurit e tjerë u gjetën fajtorë për tjetërsim pronash në bregdet.
