Ka përfunduar pas rreth pesë orësh mbledhja e përbashkët e Grupit Parlamentar të Partisë Socialiste dhe kabinetit qeveritar, e zhvilluar në Pallatin e Brigadave.
Kryeministri Edi Rama është larguar nga ambientet menjëherë pas përfundimit të takimit, ndërsa asnjë prej ministrave dhe deputetëve nuk ka bërë deklarata për mediat.
Përgjatë gjithë mbledhjes, pjesëmarrësit nuk kanë pasur me vete telefonat celularë, pasi ato janë dorëzuar në hyrje përpara nisjes së takimit.
Në pjesën e parë të mbledhjes, e transmetuar live, kryeministri Edi Rama foli gjatë për protestat dhe çështjen e Zvërnecit, duke përjashtuar mundësinë e dorëheqjes. Më pas, për më shumë se tre orë, mbledhja vijoi me dyer të mbyllura dhe pa praninë e kamerave.
Takimi maratonë i socialistëve dhe qeverisë përfundoi pas pesë orësh diskutimesh në Pallatin e Brigadave.
