Protesta e banorëve të Krujës dhe Fushë Krujës e cila vijon prej muajsh për kërkesën e thjesht për të pasur akes në autostradën Thumanë-Kashar. Kjo rrugë e cila u ndërtua tërësisht me fondet e kompanisë së biznesmenit Bashkim Ulaj dhe me dritën jeshile të qeverisë, i ka izoluar banorët e këtyre zonave.
Edhe mbrëmjen e sotme në tubimin e përjavshëm poshtë ballkonit të Berishës, kreu i demokratëve hodhi akuza drejt qeverisë por nuk tha asnjë fjalë për koncensionarin.
Këtë deklaratë të munguar për emrin e koncencionarit, biznesmenit Bashkim Ulaj, u mundua ta justifikonte koordinatori rajonal i PD-së për Tiranën, Klevis Balliu. Balliu në fjalën e tij na tregoi se banorët nuk janë kundër projektit, por kundër izolimit.
“Banorët duan dalje në biznesee dhe shtëpitë e tyre, nuk janë kundër projektit, janë kundër izolimit. Lërini qytetarët të bëjnë protestës sipas Kushtetutës” – tha Balliu.
Që banorët duan vetëm akses në këtë rrugë kjo është e gjithëditur dhe po na e thonë në çdo protestë që bëjnë. Problemi është se kush janë ata që i izoluan, këtë duhet të na e tregojnë opozitarët e PD.
Kjo protestë në fillimet e saj nuk është mbështetur nga opozita përveç disa deputetëve që nuk ndiqnin linjën e Berishës. Por pas përplasjeve dhe pasqyrimit në media duket se drejtuesit e PD u zunë ngushtë dhe nisën të shfaqen në krah të qytetarëve.
Fokusimi në çështjen e mbajtjes në arrest shtëpie të Sali Berishës apo dhe interesat që e lidhin PD me disa nga biznesmenet e fuqishem duket se janë arsyeja e reagimit të vonë dhe gjysmak të opozitës.
Rruga Thumanë Kashar duket të jetë në tjetër test i humbur i PD dhe opozitës që kauzat e qytetarëve i mban peng të interesave té vogla te saj
