Një ditë pas bisedës telefonike të presidentit të Turqisë Recep Tayyip Erdogan- me kryeministrin Rama, ambasadori i turk nga Korça tha para gazetarëve se kjo vjen në kuadër të bisedave të vazhdueshme mes liderëve. Teksa nënvizoi kërkesën e përsëritur për pastrimin e organizatës FETO në Shqipëri.
“Lidhur me organizatën FETO duhet të pyesni kryeministrin Edi Rama sesi është përgjigjur në telefonatë, por mund të them se pjesa e pastrimit të FETO-s nga Shqipëria, nuk është vetëm çështje e Turqisë, është edhe çështje e shtetit shqiptar, ata janë të rrezikshëm. Ky pastrim nuk duhet të bëhet vetëm për Turqinë, por edhe për një të ardhme më të sigurt të vendit tuaj." Megjithatë, ambasadori turk theksoi se FETO nuk do të jetë pengesë për partneritetin mes dy vendeve.
