Banorët prej muajsh tashmë, kur rruga ende ishte një projekt, kanë kërkuar në çdo institucion që t’u lejohet aksesi. Pas refuzimeve të njëpasnjëshme në çdo instance të shtetit, qytetarët panë si zgjidhje protestat edhe gjatë ndërtimit të saj por edhe tashmë kur është përfunduar. Madje në protestat e fundit nuk kanë munguar as përplasjet me policinë.
Gjatë gjithë kësaj kohe Berisha dhe deputetët e PD jo vetëm nuk ka qenë në krah të tyre, por nuk kanë bërë as edhe një deklaratë mbështetëse për këtë protestë. Në mbështetje të banorëve kanë qenë vetëm dy deputetet e zonës, Merita Bakiu dhe Andia Ulliri, të cilat kanë dhe qëndrime kundër Berishës në përçarjen e PD. Shpesh ky mos reagim i PD për t’i mbështetur krutanët, në media është aluduar se ndërtuesi i aksit është biznesmen që ka njohje të vjetra me Berishën për këtë PD nuk thoshte asnjë fjalë.
Reagimi i disi i beft për këtë çështje, ndoshta vjen edhe për faktin se kreu i PD që pas humbjes së zgjedhjeve në Himarë, ka nisur një fushatë në rrjetet sociale dhe në deklaratat publike ku do të zgjojë protesta anti-qeveri. Madje këto ditë kemi parë pastime të tij nga protestat kundër presidentit në Bangladesh me thirrje për shqiptarët që të bëjnë të njëjtën gjë.
Por duke qenë se as kjo metod s’po i ecën për shkak të shumë mëkateve të vjetra që herë pas here e lidhin interesat me biznesmenë që Rama u jep tendera publik, Berisha tenton me ndonjë deklaratë ndonjëherë dhe të vonuar për të na treguar të kundërtën, por që zor se e merr njeri seriozisht përveç atyre që i vijnë natë për natë poshtë ballkonit.
