Teksa edhe pak minuta na ndajnë nga orari zyrtar për mbylljen e qendrave të votimit për kreun e ri të bashkisë Himarë, një faqe e cila dyshohet se është e OMONIA-s ka akuzuar deputetët e PD për tradhti.
Faqja në rrjetet sociale "Open Himara", ka shkruajtur një status mjaft të fortë: "Tradhëtarë lindët, tradhëtarë jeni e tradhëtarë do vdisni... Mjerë vendi për njerëz si ju... Turp!". Në fakt për gjatë gjithë ditës së sotme kandidati i opozitës për Himarën, Petro Gjikuria është parë i vetëm dhe i pashoqëruar nga asnjë deputet i PD apo opozitës. Kjo braktisje mesa duket ka irritur së shumti mbështetësit e opozitës të cilët janë ndjerë të tradhtuar.
