Papa Françesku është njohur me artikujt e botuar së fundmi për detajet e një bisede me dyer të mbyllura me peshkopët më të rëndësishëm të Vatikanit. Gjatë këtij takimi ai foli për homoseksualët duke mos i lënë hapësirë në hallkat e kishës katolike. Pas publikimit të këtij lajmi në media, zyra e shtypit të Vatikanit citoi Papa Françeskun të thotë : “Në Kishë ka vend për të gjithë, për të gjithë”- ndërsa shtoi se “Askush nuk është e padobishëm, askush nuk është i tepërt, ka vend për të gjithë, siç jemi ne, të të gjithëve'
“Papa nuk ka synuar kurrë të ofendojë ose të shprehet me terma homofobikë dhe u kërkon falje atyre që janë ndjerë të fyer nga përdorimi i një termi ”. Tha më tej zyra e shtypit e Vatikanit pas polemikës që shpërtheu pas disa fjalëve që Papa tha për seminaristët homoseksualë.
Media italiane raportuan të hënën se Françesku e përdori termin italian “frociaggine”, një shprehje tejet përçmuese, derisa po u tregonte peshkopëve italianë se ai vazhdon të jetë kundër pranimit të homoseksualëve në procesin për t’u përgatitur për prift.
Portali italian Dagospia ishte i pari që raportoi për incidentin e dyshuar, i cili besohet se ka ndodhur më 20 maj, kur papa u takua privatisht me peshkopët italianë.
