SPAK zbardh emrat e atentatorëve që vendosën eksploziv në hotelin e Ervin Matës.
Ramazan Rraja, nipi I ish deputetit socialist Rrahman Rraja, është njeriu që organinoi shpërthimin me tritol në hotel Viktoria në Tiranë, ne pronësi të Luan Matës, babait të Ervin Matës I njohur me nofkën Boli. “I pandehuri Ramazan Rraja, është njëri nga personat që ka kërkuar dhe siguruar një automjet, tek njohjet e tij shoqërore në Durrës, dhe në vijim ka dërguar një nga të afërmit e tij me qëllim për ta marrë këtë automjet, dhe për të realizuar hedhjen e sasisë së lëndës eksplozive, në hotel “Victoria” Tiranë, në pronësi të shtetasit Luan Mata, ngjarje e ndodhur më datë 30.05.2020, ora 22:35. Lidhur me këtë episod i pandehuri Ramazan Rraja akuzohet se e ka kryer veprën penale në bashkëpunim me të pandehurit Plaurent Dervishaj dhe Juljan Mecaj”, thekson SPAK. Ervin Mata është shpallur në kërkim ndërkombëtar për trafik kokaine. Ai ishte në përplasje me Ervis Martinaj mbretin e kumarit të zhdukur pa gjurmë prej 2 vitesh, për shkak të përplasjes në masakrën e ish bllokut, ku nga përplasja mes tyre humbi jetën Fabian Gaxha, miku I Martinajn, ndërsa u plagos ky I fundit dhe Elion Hato.
