Në kulmin e protestave kundër qeverisë, kryeministri Edi Rama ka kërkuar më shumë angazhim nga deputetët socialistë, si në rrjetet sociale ashtu edhe në Kuvend.
Gjatë mbledhjes së përjavshme me Grupin Parlamentar të PS-së, e cila përfundoi pak minuta më parë, Rama mësohet t’u ketë kërkuar deputetëve të jenë më aktivë përballë klimës së tensionuar politike dhe retorikës së protestuesve.
Kërkesa e kreut të qeverisë vjen në një moment kur jo i gjithë grupi parlamentar socialist ka qenë i pranishëm apo aktiv në debatin publik lidhur me protestat e fundit.
Në këtë mbledhje mungoi Elisa Spiropali, e cila në javët e fundit është shprehur publikisht se zëri i protestuesve duhet dëgjuar dhe se situata kërkon reflektim.
