Prokuroria paraqiti rekurs në gjykatën e Lartë për ish-policin e Operacionales Jeton Lami, i cili shoqëronte Ervis Martinaj në arrati, përpara se ai të zhdukej pa gjurmë.
Jeton Lami, u dënua me 2 vite e dhjetë muaj burgim për akuzën e shpërdorimit të detyrës dhe tashmë ka rifituar lirinë. Por prokuroria kërkon dënim më të lartë për të. Ndërkohë Lami ka bërë po ashtu rekurs në gjykatën supreme.
Relatori i çështjes sipas të dhënave në faqen zyrtare të gjykatës, do të jetë Ilir Panda.
Jeton Lami u arrestua në gusht të 2022, pak ditë pasi familja e mbretit të kumarit bëri denoncim për zhdukjen e tij, edhe pse Ervis Martinaj ishte shpallur në kërkim në kuadër të operacionit Plumbi i Arta. Policia zbuloi se Lami ndihmonte Martinajn ti shpëtonte aksioneve të policisë, ndërsa 4 ditë para se ai të zhdukej, ish-agjenti i Operacionales e shoqëron mbretin e bizhozit në një hotel në Durrës, ku bashkë me ta ishte dhe një Miss.
Jeton Lami është kontakti i fundit i Ervis Martinaj dhe mund të ketë dijeni për zhdukjen e tij, por ai refuzoi të rrëfehej për hetuesit.
