Ndonëse Gjykata e Lartë firmosi verdiktin dhe dënoi me burgim të përjetshëm për ekzekutimin e 4 oficerëve të Policisë së Shtetit, Altin Dizdari, Fatos Xhani, Kastriot Feskaj e Saimir Duckollari, Dritan Dajti nuk ndalet në përballjen e tij me drejtësinë.
Në kohën kur përgatitet ta dorëzojë cështjen ne Gjykatën Kushtetuese, përmes Byrosë për Mbrojtjen e të Burgosurve, ka kallëzuar penalisht, prokurorin Isa Jata, që nxori urdhrin e ekzekutimit në momentin që u dënua me 25 vite burgim nga Gjykata e Apelit për Krime të Rënda, vendim që u prish më pas nga gjykata e Lartë. Prokurori Jata që aktualisht ushtron detyrën në prokurorinë e Përgjithshme është kallëzuar për veprat penale të “shpërdorimit te detyrës” dhe “kryerja e veprimeve arbitrate”.
Dritan Dajti, është një prej emrave më të njohur të botës së krimit në vend. Ish-studenti i Juridikut u dënua për vrasjen e 4 policëve, të cilët tentuan ti vinin prangat në qytetin e Durrësit ne gusht të 2009. Më herët, Dritan Dajti ka kryer vrasjen e një biznesmeni, ndërsa u arratis nga gjykata e Tiranës vite më parë dhe qëndroi në arrati për shtatë vite, derisa ndodhi masakrë të plazhi Iliria.
