Mjeku i Onkologjikut Edmond Gashi thyen masën e arrestit ne shtepi dhe gjendet në një lokal pranë shtëpisë. Policia e ka referuar në prokurori për veprën penale të largimit nga vendi i qendrimit. Po ashtu është proceduar dhe pronari i lokalit ku ka qëndruar Gashi pasi ka fshehur pamjet filmike.
Gashi akuzohet për shpërdorim detyre ne lidhje me skandalin që ka shpërthyer te Onkologjiku për të prekurit nga tumori që nuk merrnin shërbim ne spitalin shtetëror, por dergoheshin në klinika private ku paguanin shuma të mëdha parash.
Njoftimi i policisë
Specialistët për Hetimin e Krimeve të Komisariatit të Policisë Nr. 6 kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për shtetasin E. G., 47 vjeç, banues në Tiranë, për veprën penale "Largimi i të burgosurit nga vendi i qëndrimit", dhe për shtetasin E. S., 22 vjeç, banues në Tiranë, për veprën penale "Veprime që pengojnë zbulimin e së vërtetës". Shtetasi E. G. ka thyer shkelur masën e sigurisë "Arrest në shtëpi", duke dalë jashtë banesës, ndërsa shtetasi E. S. ka fshehur DVR-në me pamjet filmike nga lokali ku ka qëndruar shtetasi E. G.
