Qytetarë të shumtë u mbledhën ditën e sotme në sheshin “Skëndërbejë” për të protestuar për ngjarjen e rëndë në Pogradec, ku mbeti i vedekur Egli Proga. Qytetarët më pas marshuan drejt kryeministrisë.
Me pankarta në duar, ‘Kur krimi vret, shteti hesht’ dhe ‘Kundër gangove me pushtet’, ata kërkojnë drejtësi për vrasjen e babait të dy fëmijëve, ngjarje kjo e ndodhur në Pogradec.
Pjesë e protestës ishte edhe motra e Egli Progës, e cila ka deklaruar se vëllai i saj u vra nga 4 kriminelë në bashkëpunim me njëri-tjetrin. Sipas saj, policia e pa të ndjerin për 13 minuta që lëngonte në rrugë dhe nuk e prekën me dorë.
“Ai u qëllua nga 4 barbarë. Njëri prej tyre u dorëzua në formë të kontrolluar, të tjerët kanë 9 ditë që pinë raki. Kjo është drejtësia? Policia e pa për 13 minuta që lëngonte në rrugë dhe nuk e prekën me dorë. Maskarai që e vrau e pa dhe nuk e ndihmoi. Ai ka emër, Leonidha Guçe, një trafikant që e njeh mirë policia se cfare ka bërë”
Kujtojmë se vrasja 42-vjeçari Egli Porga u dhunua për vdekje nga Denis Meçe. Ky i fundit i cili kishte lidhje të forta politike në zonë, solli mosreagim të shpejt të institucioneve të drejtësisë në zonë. Si fillim ndaj autorit u ngrit akuza “vrasje nga pakujdesia”.
Autori Denis Meçe ndodhet në arrest me burg, ndërsa tre personat e tjerë që nuk kallëzuan krimin janë me detyrim me paraqitje.
