Personi në fjalë ka shkuar më 24 shkurt 2024 rreth orës 13:20 para Gjykatës së Lartë bashkë me një person tjetër dhe protestonte. “Gjatë protestës ai ka marrë megafonin dhe ka filluar të ofendojë e fyejë Kryetarin e Gjykatës së Lartë Sokol Sadushi dhe z.v kryetarin e gjykatës Ilir Panda”, thuhet në dosje referuar dëshmisë së specialistit të rendit pranë gjykatës së Lartë.
Të nesërmen, i njëjti person ka mbërritur pranë rrethimit të gjykatës që ndodhet në zemër të Tiranës dhe pasi ka sharë e ofenduar gjyqtarët dhe ka bërë filmime me celular ai ka kryer veprime të turpshme: duke urinuar para derës së gjykatës.
Videon e këtij veprimi e ka shpërndarë në rrjetin social tik tok me emrin “Shqipëria Europiane”.
41-vjecari ka shpjeguar se “Sokol Sadushi nuk iu përgjigjet telefonatave të tij, ndërsa u detyrua të urinonte para gjykatës se kishte pirë shumë birra”.
“Jemi këtu të dashur miq, ku do të bëjmë prapë sh*rrwn pranë institucionit Gjykata e Lartë. Faleminderit dhe shihemi në orën 2 të hënës që vjen”, shkruante ndër të tjera në tik tok, 41-vjecari.
Me 24 shkurt 2024, ndaj të njëjtit person ka paraqitur kallëzim një gjyqtar i Gjykatës Administrative në Lushnje, i cili ka referuar se në numrin personal ka marrë një mesazh kërcënues nga shtetasi H.XH, të cilin e ka palë në një proces.
Gjyqtari ka deklaruar se personi në fjalë kryente veprime të turpshme duke urinuar para gjykatës. Nga hetimet ka rezultuar se këtë veprim ai e ka kryer disa herë.
Ky person ju shkruante në whats up ministrit të Drejtësisë, Ulsi Manja si dhe kreut të SPAK Altin Dumani, të cilët i bënte pjesë të grupeve të chatit me persona të tjerë dhe iu bënte screen bisedave dhe i publikon në tik tok.
