Mirdaim Axhami, shef i departamentit në Fakultetin Ekonomik në Tiranë është arrestuar pasi për shkak të detyrës, dyshohet se ka goditur vartësen e tij.
Njoftimi vjen nga policia për ngjarjen e rëndë të ndodhur një ditë më parë në ambjentet e Fakultetit Ekonomik në Tiranë.
Mirdaim Axhami shef departamenti në këtë fakultet është konfliktuar fizikisht me pedagogen Liljana Billa ( Elmazi) ish-deputete e Partisë Demokratike.
Pedagogia ka pretenduar se Axhami e ka goditur ndërsa ai ka pretenduar se thjesht e ka kapur për krahu. Të dy bënë kallëzim pranë komisariatit numër 1 në Tiranë.
Shkaku i nisjes së debatit dyshohet se nisi për tezat e provimit dhe pse përplasja e tyre nuk ishte për herë të parë pasi 10 ditë më parë kanë pasur sërish një konflikt me njëri tjetrin.
