Edhe këtë të diel, aksioni i IKMT vijon pa ndërprerje në Theth, ku fadromat janë në terren për ditën e shtatë radhazi. Deri më tani janë shembur mbi 60 objekte, përfshirë struktura prej druri, ndërsa numri total i ndërtimeve që pritet të prishen mund të shkojë në mbi 100.
Banorët e zonës kundërshtojnë operacionin, duke kërkuar urdhrin zyrtar të shembjes, që sipas tyre nuk u është paraqitur nga drejtuesit e IKMT. Përplasjet janë bërë të zakonshme, ndërsa në terren kanë dalë edhe përfaqësues të Partisë Demokratike, në mbështetje të banorëve dhe kundër aksionit.
Operacioni po zhvillohet në kulmin e sezonit turistik, duke dëmtuar imazhin e një prej zonave më të vizituara të Shqipërisë. Sipas raportimeve, numri i turistëve ka rënë ndjeshëm.
