Në Gjykatën e Tiranës po zhvillohet seanca për caktimin e masave të sigurisë ndaj 19 protestuesve të arrestuar pas përplasjeve me Policinë gjatë protestës së 2 korrikut para Parlamentit.
Gjatë zhvillimit të seancës, një person që ndodhej në ambientet e Gjykatës është ndjerë keq dhe ka pësuar një krizë epileptike. Menjëherë është kërkuar ndërhyrja e urgjencës mjekësore, ndërsa një ambulancë ka mbërritur në vendngjarje për t’i dhënë ndihmën e nevojshme.
Ndërkohë, jashtë ambienteve të Gjykatës janë mbledhur mbështetës të të arrestuarve, të cilët kanë bërë thirrje si: “Lironi çunat” dhe “Çuna, çuna, jemi këtu, gjithë Shqipëria është me ju”.
Deri në këto momente, Prokuroria ka kërkuar masën e sigurisë “arrest me burg” për tre nga të arrestuarit, të cilët dyshohen se kanë goditur një automjet të Policisë gjatë protestës. Për 18 personat e tjerë është kërkuar masa e sigurisë “detyrim paraqitje”.
Seanca vijon, ndërsa pritet vendimi i Gjykatës lidhur me kërkesat e Prokurorisë.
