Studentët e Universitetit Politeknik të Tiranës kanë bojkotuar mësimin dhe kanë lënë auditorët për t’iu bashkuar protestës së të rinjve kundër qeverisë.
Mobilizimit i janë bashkuar edhe studentët e universitetit jopublik Aldent, të cilët janë bashkuar me studentët e Mjekësisë.
Pas Mjekësisë, Ekonomikut dhe Drejtësisë, përfshirja e studentëve të Politeknikut dhe Aldent e zgjeron protestën në të tjera institucione të arsimit të lartë në kryeqytet.
Lëvizja e të rinjve vijon një ditë pas protestës së gjatë në Tiranë, e cila u shoqërua me tensione dhe përplasje mes protestuesve dhe policisë.
