Nancy VonHorn, Ngarkuara me Punë e Shteteve të Bashkuara në Shqipëri, ka theksuar se çdo takim me zyrtarët qeveritarë shqiptarë është një mundësi për të përsëritur që reforma në drejtësi është një proces i pakthyeshëm. Ky mesazh u shpreh gjatë ceremonisë së diplomimit të punonjësve të Agjencisë së Mbikëqyrjes Policore.
Në fjalën e saj, VonHorn i drejtoi një mesazh motivues të diplomuarve, duke theksuar pritshmëritë e larta që ka publiku shqiptar për këtë reformë. "Pritshmëritë janë shumë të mëdha, pasi ju dhe kolegët tuaj keni arritur rezultate konkrete që ndikojnë pozitivisht në shoqërinë shqiptare", tha ajo.
"Me kalimin e kohës, këto rezultate do të jenë gjithnjë e më të dukshme. Sot, 29 prej jush po diplomohen dhe jeni gati të vazhdoni këtë punë të rëndësishme," theksoi VonHorn.
Ajo i bëri thirrje zyrtarëve të qeverisë shqiptare që të vazhdojnë mbështetjen e reformës në drejtësi, duke u shprehur: “Pritshmëritë që publiku shqiptar ka për reformën në drejtësi dhe për punën tuaj dhe kolegëve tuaj janë shumë të larta. Dhe kjo ndodh për shkak se ju dhe kolegët tuaj tashmë keni prodhuar rezultate për ta. Dhe sot, 29 prej jush që po diplomohen, janë gati për ta rritur këtë ndikim. Sa herë takohem me zyrtarë të qeverisë, një nga gjërat që theksoj vazhdimisht është se reforma në drejtësi është e pakthyeshme. Dhe unë e them këtë sepse Shtetet e Bashkuara e besojnë atë dhe besojnë te ju.” tha Ngarkuara me Punë, Nancy VanHorn.
