Një 31-vjeçar u arrestua pasi dyshohet se ngacmoi seksualisht një 13-vjeçar. Në pranga përfundoi Julian Alla, i cili rezilton përdorues i lëndëve narkotike.
Sipas kallëzimit të të miturit ai e ka mbajtur në banesë për dy orë, kohë gjatë së cilës e ka abuzuar. Julian Alla do përballet me akuzat “Ngacmimi seksual” dhe “Heqja e paligjshme e lirisë”.
Njoftimi:
Komisariati i Policisë Nr. 4 në Tiranë ka finalizuar një operacion duke bërë të mundur kapjen dhe ndalimin e shtetasit Julian Alla, 31 vjeç, banues në Tiranë, i dyshuar për kryerjen e veprave penale “Ngacmimi seksual” dhe “Heqja e paligjshme e lirisë”.
Sipas policisë, ndalimi i tij u krye më 2 gusht, pas hetimeve të nisura nga një kallëzim i bërë më 24 korrik nga një i mitur 13-vjeçar. Ky i fundit, në praninë e prindit dhe psikologut, ka deklaruar se ishte ngacmuar seksualisht nga 31-vjeçari.
Nga veprimet hetimore, policia dyshon se i mituri është mbajtur në banesën e Julian Allës në rrugën “Bardhyl”, pa dëshirën e tij, gjatë natës së 23 korrikut.
Materialet procedurale i janë referuar Prokurorisë së Tiranës për hetime të mëtejshme, ndërsa autoritetet vijojnë punën për zbardhjen e plotë të rrethanave të ngjarjes.
