Policia ka shoqëruar 4 personat që ndodheshin në jaht nga bordi i të cilit rezultoi se u qëllua me armë.
Pas ngjarjes, që u raportua ekskluzivisht nga VNA, dy persona tentuan të largohen me gomone, por pasi u pikasën nga policia janë detyruar të rikthehen në jaht. Mjeti lundrues ka fikur dritat dhe është larguar më pas. Për dy orë, Policia Kufitare, Delta Force dhe FNSH e ndoqën mjetin lundrues, i cili u gjet në Porto Palermo.
Katër personat që ndodheshin në bord janë shoqëruar dhe janë marrë në pyetje.
Burime nga policia konfirmuan se nuk u gjet gëzhojë në jaht. Pavarësisht kësaj, për rastin po vijojnë hetimet për të konfirmuar nëse në duart e personave që janë shoqëruar për t’u marrë në pyetje ka ose jo faktorë të qitjes.
