Një aksident është regjistruar në një subjekt privat minerar në zonën e Tërnovës së Madhe, në Njësinë Administrative Zerqan të Bashkisë Bulqizë.
Sipas informacioneve paraprake, një minator me inicialet I.K. ka mbetur i bllokuar në thellësi të galerisë.
Dyshohet se minatori ka humbur jetën, por deri në këto momente ky informacion nuk është konfirmuar zyrtarisht nga autoritetet.
Në vendngjarje janë nisur forcat e emergjencës dhe grupet e specializuara të shpëtimit, të cilat po punojnë për nxjerrjen e minatorit nga galeria dhe për zbardhjen e plotë të rrethanave të aksidentit.
