Është nxjerrë nga thellësia e minierës së Tërnovës trupi i pajetë i minatorit Ilir Kalaveri, i cili humbi jetën gjatë aksidentit në galeritë e minierës.
Pas përfundimit të operacionit të kërkim-shpëtimit, trupi i minatorit është transportuar me ambulancë drejt Tiranës, ku do t’i nënshtrohet ekspertizës mjeko-ligjore për përcaktimin e shkaqeve të vdekjes.
Ngjarja e rëndë tronditi komunitetin e minatorëve, ndërsa autoritetet kanë nisur hetimet për të zbardhur rrethanat e aksidentit në minierën e Tërnovës.
Pritet që ekspertiza mjeko-ligjore dhe hetimet teknike të japin më shumë detaje mbi shkaqet që çuan në humbjen e jetës së minatorit.
