Prokuroria e Posaçme shpall pretencën për të pandehurit e dosjes “Metamorfoza”. Për investitorin strategjik të qeverisë, Pëllumb Gjoka, u kërkua dënimi me 14 vite burg për akuzat e sigurimit të kushteve për të kryer vrasje dhe pjesëmarrje në grup kriminal. Për ish-prokurorin Xhevahir Lita u kërkuan 6 vite burg për akuzën e korrupsionit, ndërsa për ish-shefin e Operacionales, Oltion Bistri, kërkohet dënimi me 9 vite burgim.
Sipas kërkesës së prokurorisë, dënimet e kërkuara për secilin të pandehur janë si më poshtë:
- Pëllumb Gjoka – 14 vite burg
- Edmond Preka – 11 vite burg
- Astmer Bilali – 10 vite burg
- Ardit Hasanbegaj – 9 vite burg
- Xhevahir Lita – 6 vite burg
- Oltion Bistri (ish-shef i Operacionales) – 9 vite burg
- Behar Bajri Brajoviq -15 vite burg
Të gjithë të pandehurit përfitojnë uljen e një të tretës së dënimit, për shkak të gjykimit të shkurtuar.
