Një stuhi e fortë breshëri ka goditur zonën e Lubinjës, në Bashkinë e Gramshit, duke shkaktuar dëme të konsiderueshme në bujqësi dhe në tokat e mbjella të banorëve.
Reshjet intensive kanë dëmtuar kulturat bujqësore, duke u shkaktuar humbje të shumta fermerëve, të cilët përballen me pasoja të rënda në prodhimet e këtij sezoni.
Banorët e zonës bëjnë me dije se dëmet janë të dukshme në sipërfaqe të tëra të mbjella, ndërsa autoritetet pritet të kryejnë një vlerësim të plotë për të përcaktuar përmasat e dëmeve të shkaktuara nga breshëri.
