Një aksident i rëndë me pasojë vdekjen ka ndodhur paraditen e së premtes në aksin rrugor Elbasan–Peqin, pranë fshatit Përparim.
Sipas informacioneve paraprake, një furgon ka përplasur këmbësorin Agim Hoxha, 73 vjeç, i cili po lëvizte në zonë. Aksidenti ndodhi pak pas orës 10:00, ndërsa si pasojë e përplasjes së fortë, i moshuari pësoi dëmtime të rënda, të cilave nuk mundi t’u mbijetojë.
Policia mbërriti në vendngjarje dhe ka nisur hetimet për të zbardhur rrethanat e aksidentit, si edhe për të përcaktuar shkaqet që çuan në ngjarjen tragjike.
