Në fund të korrikut të vitit 2023, Prokuroria e Posaçme vendosi nën sekuestro kompaninë Integrated Energy Bv Spv, firmën koncesionare të inceneratorit të Tiranës.
Në atë periudhë koncesionari nuk kishte marrë disa muaj pagesa për depozitimin e mbetjeve në landfill nga ana e bashkisë, ndërsa Ministria e Financave dhe ajo e Infrastrukturës nuk i dhanë fondin përmes transfertës për mbetjet, pasi bashkia nuk kishte dorëzuar raport financiar për shkak të bllokimit të Njësisësë Monitorimit të Projektit.
Bashkia Tiranë shtoi 5.7 milion euro fonde për të bërë pagesat për koncesionarin, ndërsa në raportin vjetor të Agjencisë sëTrajtimit të Koncesioneve mungon vlera e investimeve të kryera në inceneratorin e Tiranës për vitin 2022 dhe 2022, duke vërtetuar se pagesat janë bërë në shkelje të hapur të disiplinës financiare, pa patur një raport apo situacion.
Deri më sot buxheti i shtetit ka paguar për kompaninë Integrated Energy Bv Spv 76 milion euro. Çështja është në hetim prej 3 vjetësh e gjysëm nga SPAK, ndërsa prokuroria kërkoi në fund të muajit të shtyjë dhe me 3 muaj afatin e hetimeve.
SPAK ka marrë në pyetje për këtë çështje zyrtarë të rëndësishëm, mes tyre dhe kryebashkiakun e Tiranës Erjon Veliaj dhe zv/Kryeministren Belinda Balluku.
