Kreu i grupit parlamentar të PD-së Bardhi kritikoi kryeministrin Rama në mbledhjen e Kuvendit të Kosovës me atë të Shqipërisë në Prishtinë.
Ai tha se ndryshe nga sa vepron Rama, duke e kritikuar Albin Kurtin haptazi e faqe botës, gjërat e shtëpitë nuk dalin në pazar.
Gjatë fjalës së tij ai kërkoi më shumë veprim e bashkëpunim praktik mes dy vendeve dhe jo thjesht takime me vezullime e deklarata boshe.
Bardhi theksoi se Shqipëria jo vetëm duhet të fuqizojë zërin e Kosovës në botë por duhet të luftojë për të shtuar njohjet e për ta ndihmuar atë në integrimin në institucionet ndërkombëtare.
