Elda Zotaj, avokate e Altin Ndocit, u largua nga salla pak çaste pasi bëri kërkesë për përjashtimin nga procesi të kryesueses Engjëllushe Tahiraj. Avokatja tha se Tahiraj është treguar e njëanshme në gjykim dhe intimiduese ndaj avokatëve.
Ndërprerja e procesit ndërpreu gjithashtu pyetjen nga SPAK ndaj të penduarit të tretë në këtë proces, Skerdi Tase.
Gjykata ndërkohë pranoi kërkesën e avokatëve për t’u vënë në dispozicion marrëveshjen e bashkëpunimit mes SPAK dhe të penduarit Endrit Alibej, si edhe procesverbalet e deklarimeve të dhëna nga Alibej në vitin 2022.
